MARKÞJÁLFUN
frá nútíð til framtíðar
Bóka tíma
ÉG
ER
með verkfæri sem virka
Að hefja markþjálfun er umbreytandi ákvörðun. Hún aðstoðar þig við að „rata í þokunni", komast nær því sem þú brennur fyrir og finna svörin við helstu áskorunum þínum. Að sækja einkatíma hjá góðum markþjálfa er ein gagnlegasta ákvörðun sem ég hef sjálf tekið um ævina. Þar lærði ég að þekkja og heiðra mínar þarfir, nýta styrkleikana, lifa gildin mín og finna til þess eigin leiðir.
Lengst af grafískur hönnuður og hönnunarstjóri, nú markþjálfi með alþjóðlega PCC hæfnisvottun frá ICF
Allt er breytingum háð og aldrei of seint að taka nýja stefnu. Frá því að ég lærði að beita markþjálfun hef ég notað aðferðir hennar til umbóta í eigin lífi. Í dag veit ég að þau viðfangsefni sem leita ósjálfrátt í gamla farið kalla á nýja nálgun ætli ég að vera sjálf við stjórnvölinn, vinna að ákveðnum markmiðum og skapa það líf sem ég vil lifa.
Nú fylgi ég ástríðunni sem er að aðstoða annað fólk við að finna drifkraftinn og lifa sinn draum eða einfaldlega að tækla verkefnin og fá skýrleika á hlutina svo það megi fylla líf sitt af gleði, tilgangi og dýpri merkingu.
Viðskiptavinir hafa verið örlátir á að deila upplifun sinni af markþjálfun hjá mér.
Sjá umsagnir hér
það gerir gæfumuninn
AF
ÞVÍ
UMSAGNIR
Ég stóð frammi fyrir flóknum og erfiðum ákvörðunum varðandi starf og einkalíf. Strax í fyrsta tíma fann ég fyrir hugrekki til að takast á við þessar erfiðu ákvarðanir sem fyrir lágu. Í öðrum tíma var ég komin með skýran fókus og svör við erfiðum spurningum.
G. Sigríður Ágústsdóttir
Stofnandi Lífskrafts, athafnakona og fjárfestir
VIÐTÖL
Nándin í sambandinu
Matti Ósvald svarar spurningum
um samskipti í nánum samböndum
Matti er PCC markþjálfi og heildrænn heilsufræðingur
„Erum við sanngjörn við sambandið þegar við ætlumst til þess að að allt sé í blóma á meðan við tölum aldrei saman og erum við að ætlast til þess að eiga dásamlegt kynlíf með nánd þegar við burðumst með ósætti sem við tökum aldrei á?"
öll samtöl geta farið fram
Á NETINU
– þú þarft ekki að fara neitt –
til að taka skrefið
Hugarfar og áhugahvöt
Að ná aftur vopnum eftir líkamleg veikindi og taka völdin í eigin hendur
Markþjálfi styður þig áfram veginn. Við endurheimt á orku og líkamlegu heilbrigði er mikilvægt að vinna samhliða í hugarfari og áhugahvöt. Djúp tenging við eigin vilja og fyrirætlanir skerpa sýn og auka möguleikana á að ná þangað sem hugur stendur til.
Ég er hluti af þverfaglegu teymi hjá ENDURHEIMT og þekki það sjálf að hafa tapað áttum í verkjum, heilaþoku og kraftleysi. Ég þekki það líka að hafa unnið mig út úr slíku ástandi með faglegri hjálp og endurheimt sjálfa mig.
Með hvetjandi aðferðum markþjálfunar má öðlast þá hugarfarsbreytingu og úthald sem þarf til að komast yfir hindranir. Þannig má ná upp stöðugri virkni sem leiðir að þeirri útkomu sem vilji er fyrir og stefnt er að. Í markþjálfun er sjónsviðið víkkað og persónulegir styrkleikar virkjaðir á alveg nýjan hátt.
Að fá stuðning áfram veginn getur byggt á stökum tímum eða verið hluti af heildrænni heilsumeðferð hjá Endurheimt, heilsumiðstöð.